အရှေ့တောင်အာရှမှာ ကမ္ဘာကအသိအမှတ်ပြုခဲ့သော ပထမဆုံး ဝေဟင်စီးချင်းထိုးခဲ့တဲ့ မြန်မာ့လေသူရဲ (၃) ဦး

ပြည်ပတရုတ်ဖြူကျူးကျော်မှုအရှေ့တောင်အာရှတွင်ပထမဆုံးလေယာဉ်ချင်းဝေဟင်စီးချင်းထိုးတိုက်ပွဲဆင်နွဲခဲ့သောမြန်မာ့လေသူရဲ သုံးဦး

ကျူးကျော်သူ တရုတ်ဖြူများ၏ လေယာဉ် တစ်စီး ရိက္ခာပို့ရန်မြန်မာ့လေပိုင်နက်အတွင်းသို့ဝင်ရောက်လာကြောင်းသတင်းရ၍ လေယာဉ် သုံးစီးဖြင့် သွားရောက် စစ်ဆင်ရေး ဆောင်ရွက်ခဲ့ကြရသည်။သတင်းရထားသည့် အတိုင်းပင် တရုတ်ဖြူဘက်မှ အမည်မသိလေယာဉ်ပျံကြီးကိုစတင်တွေ့ရှိလိုက်သည်နှင့်တစ်ပြိုင်နက်ဗိုလ်မောင်သိန်းသည်ချက်ချင်းတိုက်ပွဲဝင်ရန်သူ၏လေယာဉ်အုပ်စုကိုခွဲလိုက်ကာနေရာယူလိုက်ပြီးရန်သူ့လေယာဉ်ကိုကျိုင်းတုံသို့ဦးတည်ပျံသန်းရန်အမိန့်ပေးလိုက်သည်။

ထိုအချိန်မှာပင်ရန်သူ့လေယာဉ်ကပြန်လည်ဖြေကြားခြင်းမပြုဘဲစစ်သေနတ်များဖြင့်လှမ်းပစ်သည်။ဗိုလ်မောင်သိန်းကတရုတ်ဖြူလေယာဉ်ပျံကြီးကို၂ဝမမစက်အမြောက်လေးလက်ဖြင့်ပြိုင်တူပြန်လည်ပစ်ခတ်တိုက်ခိုက်လိုက်သည်။ထို့နောက်ဗိုလ်ပီတာ၊ ပြီးတော့ ဗိုလ်ချစ်ခိုင် တစ်စင်းပြီး တစ်စင်း ပစ်ခတ်ကြသည်။

ဗိုလ်မောင်သိန်းလက်ချက်ဖြင့်လေယာဉ်၏ကိုယ်ထည်အတွင်းမှပေါက်ကွဲမှုများထွက်ပေါ်လာပြီးနောက်မီးများတောက်လောင်၍ဘယ်ဘက်သို့စောင်းငဲ့ပြီးယိုးဒယားနိုင်ငံထဲသို့တဖြည်းဖြည်းနိမ့်ဆင်းသွားကာမီးလောင်ပေါက်ကွဲသွားသည်။လေယာဉ်မပေါက်ကွဲမီလေယာဉ်အပေါ်မှလေထီးဖြင့်ခုန်ဆင်းလာသူသုံးယောက်ကိုလှမ်းမြင်လိုက်ရသည်။တိုက်လေယာဉ်သုံးစင်းအနက်ဗိုလ်ချစ်ခိုင်၏ဆီးဖြူရီလေယာဉ်နောက်မြီးရှိ(TailWheel)နောက်ဘီးထိမှန်ပြုတ်ထွက်သွားကြောင်းသတင်းပို့သည်။

ဗိုလ်ပီတာ၏လေယာဉ်လည်းဘာသံမှမကြားပျောက်ဆုံးနေသည်။ဗိုလ်မောင်သိန်းသည်ထိုအနီးတစ်ဝိုက်လှည့်ရှာသေးသည်။ မတွေ့ရသောကြောင့်ဗိုလ်ချစ်ခိုင်၏လေယာဉ်ကိုအနီးကပ်စောင့်ကြပ်ပြီးကျိုင်းတုံကွင်းအရောက်ဗိုလ်ချစ်ခိုင်၏လေယာဉ်သည် ရှေ့ဘီးနှစ်လုံးခေါက်တင်ပြီးဝမ်းဗိုက်ဖြင့်မြေရှပ်ဆင်းရသည်။ဗိုလ်ချစ်ခိုင်အောင်မြင်စွာထိန်းကျောင်းပြီးဆင်းနိုင်ခဲ့သည်။ဗိုလ်မောင်သိန်းသည် သူ၏လေယာဉ်ကိုချက်ချင်းဆီဖြည့်ပြီးနေရောင်မပျောက်မီတိုက်ပွဲဖြစ်ပွားသောနေရာတွင်ရဲဘော်ဗိုလ်ပီတာကို တွေ့လိုတွေ့ငြား ထိုနေရာ တစ်ဝိုက် ပြန်ရှာသေးသည်။ မတွေ့သဖြင့် နေမဝင်မီ ကျိုင်းတုံသို့ ပြန်ခဲ့ရသည်။

နောက်တစ်ရက်တွင် မြန်မာ့ တပ်မတော် ကာကွယ်ရေး ဦးစီးချုပ် ကျိုင်းတုံသို့ ရောက်ရှိ လာခဲ့သည်။(မှတ်ချက်အမှန်တကယ် ရောက်ရှိလာသူမှာဒုတိယကာကွယ်ရေးဦးစီးချုပ်ဗိုလ်မှူးချုပ်အောင်ကြီးဖြစ်သည်)ထိုနေ့ညနေပိုင်းတွင်ထိုင်းနိုင်ငံရှိကောင်ဆယ်လာ ရုံးမှ ဗိုလ်ပီတာ၏ လေယာဉ် အပျက်နှင့် ဗိုလ်ပီတာ အလောင်းကို ထိုင်းနယ်မြေ အတွင်းတောထဲတွင်တွေ့ရှိကြောင်း သတင်း ပေးပို့ပါသည်။

ဖေဖော်ဝါရီ ၁၇ ရက်တွင် ဗိုလ်မှူးကြီး သူရ တင်မောင်အေး အပါအဝင် ရှေ့တန်း တပ်မဟာ (၉) မှ အဖွဲ့တစ်ဖွဲ့ လေယာဉ် ပျက်ကျသည့် နေရာသို့ ထွက်ခွာခဲ့သည်။လေယာဉ်ပျံသည်ရန်သူလေယာဉ်မှပစ်ခတ်လိုက်သောကျည်ထိမှန်ပြီးမြေပြင်ပေါ်သို့ အရှိန်ပြင်းစွာဖြင့်ရှပ်ဆင်းသွားသည့်စွတ်ကြောင်းကြီးတွေ့ရှိရပြီးလေယာဉ်အရှေ့ပိုင်းတစ်ခုလုံးမီးလောင်၍လေယာဉ်ခါးလယ်မှ ကျိုးသွားသည်ကို တွေ့ရှိရသည်။

ဗိုလ်ပီတာ၏အလောင်းကိုမူကျိုးပဲ့နေသောလေယာဉ်ပျံ၏အတောင်တစ်ခုပေါ်တွင်တင်ထားသည်ကိုတွေ့ရှိရသည်။လေယာဉ် ကိုယ်ထည်တွင်ဒသမ၅မမကျည်တစ်ချက်မှန်ထားပြီးထိုကျည်ဆန်ကဗိုလ်ပီတာကိုပါထိမှန်ကာ၎င်း၏နံရိုးငါးချောင်းကျိုးသွားသည်ကို စစ်ဆေး တွေ့ရှိရသည်။

ထိုမြင်ကွင်းတစ်ခုလုံးကိုလေ့လာဆန်းစစ်ချက်အရလေယာဉ်ကိုစစ်ဆေးသူအားလုံးကလေယာဉ်သည်မြေပြင်သို့ကောင်းမွန်စွာထိန်းကျောင်းပြီးဆင်းသက်လာသည့်သဘောတွေ့ရသည့်အတွက်ဤမျှပြင်းထန်သောဒဏ်ရာဖြင့်လေယာဉ်ပျံကိုနိုင်နင်းစွာထိန်းကျောင်းသက်ဆင်းခဲ့သူဗိုလ်ပီတာ၏သက်လုံကောင်းမှု၊သတ္တိရှိမှု၊သတိကောင်းမွန်မှုများကိုအံ့သြချီးမွမ်းခဲ့ကြသည်။

ဗိုလ်ပီတာ သည် တရုပ်ဖြူ ကျူးကျော်မှု တိုက်ပွဲတွင် တိုင်းပြည်နှင့် လူမျိုးအတွက် အသက်ပေးလှူသွားသောမြန်မာ့လေသူရဲ တစ်ဦး အဖြစ် တပ်မတော်လေ သမိုင်းတွင် မှတ်တမ်း တင်ခဲ့ပါသည်။အရှေ့တောင်အာရှ တွင် ကမ္ဘာက အသိမှတ်ပြုခဲ့သော ပထမဆုံး ဝေဟင်စီးချင်းထိုး တိုက်ပွဲလည်း ဖြစ်ပါသည်။

Credit: သုတဇုန်-ရေေးသားသူ – Ko Waihin Thu Ye

Tips News

error: Content is protected !!