ကမ္ဘာပေါ်မှာ သူခိုးတစ်ယောက်တောင်မရှိတဲ့ နိုင်ငံဟာ မြန်မာနိုင်ငံဖြစ်ခဲ့ဖူးတယ်ဆိုရင် သင်အံ့သြသွားမလား? မယုံရင် အောက်မှာ ဖတ်ကြည့်ပါ..။

“ကမ္ဘာပေါ်တွင်သူခိုးမရှိသောနိုင်ငံတစ်နိုင်ငံရှိခဲ့ဖူးသည်..ထိုသည်မှာမြန်မာနိုင်ငံပင်။”ထိုစကားကိုပြောခဲ့သူမှာအိန္ဒိယနိုင်ငံသား ဟိန္ဒူဘာသာဝင် ဘဆေဆ်လာလ်ဂျီပင် ဖြစ်သည်။ အီဂတ်ပူရီပြည်နယ်၌ ဗုဒ္ဓ၏ ဝိပဿနာ တရားတော်များကိုကမ္ဘာသို့ ဖြန့်ဝေလျက်ရှိသော ဂုရုကြီး ဦးဂိုအင်ကာ ၏ အဘိုးတော်သူပင်ဖြစ်သည်..။အရောင်းအဝယ် ကုန်သည် အလုပ်ဖြင့် ကမ္ဘာအနှံ့ ခြေဆန့်ခဲ့ဖူးသော ဘဆေဆ်လာလ်ဂျီ သည် သူ အမြတ်နိုးဆုံးဖြစ်သော မန္တလေးရတနာပုံနေပြည့်တော်တွင်အခြေချနေထိုင်ခဲ့သည်..ထိုချိန်ကအထက်မြန်မာပြည်သည်မြန်မာဘုရင်၏လက်ထဲမှာသာ ရှိသေးသောကြောင့် သူခိုးလူလိမ်ဆိုသည်မှာချိုနှင့်လားဟုမေးရလောက်အောင်မြန်မာတိုင်းစာရိတ္တသတ္တိအပြည့်ရှိနေချိန် ဖြစ်ပါ၏။ထိုသူသည်ကုန်သည်ကြီးတစ်ဦးဖြစ်ရာအထက်မြန်မာပြည်ရှိမြို့ကြီးအသီးသီးသို့သွားရောက်ရောင်းဝယ်ရသည်။ပစ္စည်းပစ္စယများသယ်ရန်အတွက်မြင်းငါးကောင်နှင့်အတူမြန်မာမြင်းစီးသမားငါးယောက်ကိုလည်းတစ်ခါတည်းအသွားအပြန်ငှားလာခဲ့ရသည်။အရောင်းအဝယ်ပစ္စည်းများသောကြောင့်ရက်ကြာလာသည်နှင့်အမျှဘဆေဆ်လာလ်ဂျီ၏ပိုက်ဆံထည့်သည့်အိတ်ကြီးမှာလည်း ငွေဒင်္ဂါးများနှင့် ပြည့်ပြည့် လာခဲ့သည်။နောက်ထပ်မြို့သုံးမြို့ငါးရက်ခရီးနှင်ပြီးလျှင်သည်တစ်ခေါက်အရောင်းအဝယ်ပြီးဆုံးပြီဖြစ်၍ဘဆေဆ်လာလ်ဂျီသည်အိမ်ပြန်ရတော့မည်ကိုတွေးပြီးဝမ်းမြောက်ဝမ်းသာဖြစ်နေလေသည်။နေဝင်စပြုနေပြီဖြစ်သည့်အတွက်လှမ်းမြင်နေရသောဇရပ်တစ်ခုပေါ်တွင်တစ်ညအိပ်ရန်မြင်းသမားများကိုအချက်ပြလိုက်သည်..ရှေးခေတ်ကဇရပ်ဆိုသည်မှာညအိပ်ညနေခရီးသည်များအတွက် လမ်းဆုံ လမ်းခွတွင် ဆောက်ထား သော ဇရပ်မျိုးသာ ဖြစ်သည်။အမိုးနှင့်အခင်းကို အကောင်းဆုံး လုပ်ထားသော်လည်း အကာ မရှိသောကြောင့် အရပ် လေးမျက်နှာမှခရီးသွားများတံခါးမရှိ။ ဓားမရှိ လွတ်လပ်ချမ်းသာစွာ တည်းခိုနိုင်သည် ဟူသော အဓိပ္ပါယ်ကို ဆောင်သည်ဟု ယူဆရသည်။

တတ်နိုင်သောဇရပ်အလှူရှင်အချို့သည်ခရီးသွားများအတွက်ဆန်ဆီစသောစားသောက်ဖွယ်ရာများကိုပင်ထားပေးကြောင်းသိရသည်။ချက်ပြုတ်စားသောက်ပြီးနေလည်းမရှိတော့ပြီဖြစ်၍ဘဆေဆ်လာလ်ဂျီတို့ထိုဇရပ်မှာပင်ညအိပ်လိုက်ကြသည်။နောင်တစ်နေ့မိုးမလင်းမီမနက်စောစောခရီးဆက်ကြရန်မြင်းသမားတို့ကိုဆော်သြထားလိုက်သည်။အရေးအကြီးဆုံးဖြစ်သည့်ငွေဒင်္ဂါးအိတ်ကြီးကို မေ့ကျန်နေခဲ့မှာစိုးသောကြောင့်ခေါင်းအုံးအိပ်လိုက်သည်။မနက်လေးနာရီလောက်ထပြီးမြန်မြန်ထက်ထက်ပြင်ဆင်ကာရှေ့ခရီးကိုဆက်လာခဲ့ကြသည်။ခြောက်နာရီခန့်ခရီးပေါက်ပြီးသောအခါမှ ခေါင်းအုံး အိပ်ခဲ့သည့် ငွေအိတ်ကြီး ပါမလာမှန်း ဘဆေဆ်လာလ်ဂျီ သိသွားသည်။ ပြင်းထန်သော စိုးရိမ်သောက စိတ်ကြောင့်နှလုံးသားမှာတဒိန်းဒိန်းခုန်လာပြီးအမောဆို့သလိုပင်ဖြစ်လာသည်။ထို့ကြောင့်“ဟေ့..အားလုံးရပ်လိုက်ကြဦး။”“ကျွန်တော့ငွေဒင်္ဂါးအိတ်ကြီးညအိပ်ခဲ့တဲ့ဇရပ်ပေါ်မှာကျန်နေခဲ့တယ်။ဒါ့ကြောင့်နောက်လှည့်ပြန်ကြရမယ်”ဟုပြောလိုက်သော်လည်း မြန်မာလူမျိုး မြင်းသမား ငါးယောက်လုံး တစ်ယောက်မှ တအံ့တသြ တထိတ်တလန့် ဖြစ်မသွားကြ။

သွားယူပေးမည့်အမူအရာလည်းမပြကြသဖြင့်ဘဆေဆ်လာလ်ဂျီမနေနိုင်တော့“ကဲ…မြန်မြန်သွားယူဘို့ပြင်ကြလေ။ဘာလို့အေးတိအေးစက်ဖြစ်နေကြတာတုန်း”ဟုပြောလိုက်သောအခါတွင်မှအသက်ခပ်ကြီးကြီးမြင်းသမားတစ်ဦးက“မိတ်ဆွေကြီးဘာမှစိတ်မပူပါနဲ့။ကိုယ့်ခရီးကိုသာပြီးဆုံးအောင်ဆက်သွားပါ။အပြန်ကျမှငွေအိတ်ကိုဝင်ယူပါ။မိတ်ဆွေကြီးငွေအိတ်ဘယ်မှထွက်မပြေး ပါဘူး။ ဘယ်သူမှလည်းမယူပါဘူး။”ဟုပြောလိုက်သဖြင့်ဘဆေဆ်လာလ်ဂျီတစ်ယောက်ဒေါသထွက်သွားသည်။“လွယ်ရင်သူကြွယ်တောင်မနေဘူး”ဟူသောစကားရှိနေရာအဆင်သင့်တွေ့ရသောငွေဒင်္ဂါးအိတ်ကြီးကိုဘယ်လိုလူသည်မယူဘဲနေနိုင်ပါအံ့နည်း။ဘယ်သူမှမယူဘူးဟုတာဝန်ခံနိုင်လောက်အောင်သူတို့မြန်မာလူမျိုးတွေကဘယ်လောက်များစာရိတ္တကောင်းနေကြလို့နည်းဟုတွေးနေမိသည်။ထိုအတွေးနှင့်အတူ“အေးလေ…ငါတို့ထွက်လာကြတာလဲခြောက်နာရီကျော်သွားပြီးဆိုတော့ဒီငွေအိတ်ကြီးကိုခရီးသွားတစ်ယောက်ယောက်ကရပြီးယူသွားရောပေါ့။ငါသွားနေလည်းပင်ပန်းတာအဖတ်တင်မှာပ”ဲဟုစိတ်ပျက်စွာနှင့်ဆက်ကာတွေးပြီးရှေ့မှာရှိသည့်မြို့ဈေးများသို့သာဆက်သွားလိုက် ကြသည်။

ငါးရက်ခန့်ရှိမှပြန်လာကြသောအခါဘဆေဆ်လာလ်ဂျီထားခဲ့သောငွေဒင်္ဂါးကြီမှာခေါင်းအုံးပြီးအိပ်ခဲ့စဉ်ကအတိုင်းပင်လက်ရာမပျက်ပြန်တွေ့ရသည်။ရေတွက်ကြည့်သောအခါတွင်လည်းတစ်ပြားတစ်ချပ်မျှမလျော့။ထို့ကြောင့်လည်းဘဆေဆ်လာလ်ဂျီက ကမ္ဘာ့ဝိပဿနာတရားပြဆရာကြီးဖြစ်လာမည့်ဦးဂိုအင်ကာအလောင်းအလျာသူ့မြေးလေးကို“ငါ့မြေးရေ၊အဘိုးတို့ဒီမြန်မာပြည်မှာနေခွင့်ရတာသိပ်ကံကောင်းတယ်။ဘာဖြစ်လို့လည်းဆိုတော့တစ်ကမ္ဘာလုံးမှာသူခိုးမရှိတဲ့နိုင်ငံဆိုလို့မြန်မာနိုင်ငံတစ်ခုပဲရှိတယ်။”နောက်တစ်ခုက မန္တလေး ရတနာပုံ ဈေးချိုတော်ကြီး လမ်းအလယ်မှာအမျိုးသမီးတစ်ယောက်အဖိုးတန်စိန်နားကပ်တစ်ဖက် ပြုတ်ကျ ကျန်နေ ခဲ့တယ်။ဈေးလယ်ဆိုတော့ ဈေးရောင်းသည်၊ ဈေးဝယ်သည် တစ်ယောက်မှ တစ်ယောက်တော့တွေ့မှာပဲ။ သို့သော် တစ်ယောက်မှ ယကောက်မယူကြဘူး.. အလွယ်တကူ တွေ့ရတဲ့အဖိုးတန်ပစ္စည်းကိုတောင်ကောက်မယူတဲ့မြန်မာ လူမျိုးတွေဟာ သူတစ်ပါးအိမ်က ပစ္စည်း မသိအောင်ယူဖို့ ဆိုတာကတော့ ပိုပြီး ဝေးသေးတာပေါ့။

ဒါနဲ့ဈေးချိုသာပိတ်သွားတယ်စိန်နားကပ်ကြီးကတော့လမ်းပေါ်မှာဒီအတိုင်းပါပဲ။နောက်တစ်နေ့မနက်ဈေးချိုဖွင့်ခါနီးမှာအလုပ်သမလေးတစ်ယောက်စိန်နားကပ်ကြီးကိုတွေ့သွားတယ်..“ဥစ္စာဆင်းရဲသော်လည်းစာရိတ္တမဆင်းရဲတဲ့သူတွေကိုမြင်ဖူးချင်ရင်” မြန်မာပြည်ကို လာခဲ့ပါလို့ ပြောရတော့မှာပဲ။အလုပ်သမလေးဟာစိန်နားကပ်ကိုကောက်ယူလိုက်တယ်။ယူဖို့မဟုတ်ဘူး။စိန်နားကပ်အောက်ကဖုန်တွေအမှိုက်သရိုက်တွေ လှဲပစ်ဖို့အတွက်ပါ။ လှဲကျင်းပြီး တဲ့အခါ တွေ့တဲ့နေရာမှာပဲ အတိအကျ ပြန်ထားလိုက်တယ်..ပိုင်ရှင်ကသူကျပျောက်တဲ့နေရာ ပြန်လာရှာရင် မြန်မြန်တွေ့ပါစေဆိုတဲ့ စေတနာပေါ့.. နောက်ဆုံး ဈေးရုံးတာဝန်ခံ ကိုယ်တိုင်မြို့ထဲ “မောင်းထု ပိုင်ရှင်ရှာပြီး ပေးလိုက်ရတယ်” ဟု ပြောခဲ့ဖူးသည်..။ကဲ စဉ်းစားကြည့်ကြ ပေတော့။ အရင်တုန်းက မြန်မာနိုင်ငံနှင့် ယခုမြန်မာနိုင်ငံ ဘယ်လောက် ကွာခြားသွားပြီလဲ.. ဒါကို ကြည့်ပြီး စိတ်မပျက်ကြပါနဲ့.. “ပျက်အစဉ် ပြင်ခဏ” ဆိုသလို မိမိကိုယ် ကိုသာ ငါးပါးသီလ လုံခြုံအောင် (စာရိတ္တပိုင်းသာ) တာဝန်ယူပါက မြန်မာနိုင်ငံမှ မဟုတ် တစ်ကမ္ဘာလုံး ဘယ်လောက် ငြိမ်းချမ်းမလဲ..။

Credit:မေတ္တာရှင်(ရွှေပြည်သာ)

Tips News

error: Content is protected !!