စည်ပင်ရွေးကောက်ပွဲအတွက် မကျေပွဲပြန်နွှဲမယ့် ဇောတိကခင်လှိုင်

ဇောတိကဦးခင်လှိုင်သည် ရန်ကုန်မြို့တော်စည်ပင်သာယာရေးကော်မတီဝင် ရွေးကောက်ပွဲတွင် ဒုတိယအကြိမ်အဖြစ် ထပ်မံဝင်ရောက်ယှဉ်ပြိုင်မည်ဖြစ်ကြောင်း သိရသည်။ ရန်ကုန်မြို့တော်စည်ပင်သာယာရေးကော်မတီဝင်ရွေးကောက်ပွဲကို ၂၀၁၉ ခုနှစ်၊ မတ်လတွင် ကျင်းပမည် ဖြစ်သည်။

“ ကျပ်သိန်းပေါင်းနှစ်သောင်းကျော် ကုန်ကျမယ့်ရွေးကောက်ပွဲဗျာ။ ဒါတင်ပဲကုန်ကျစရိတ်ရှိတာလားဆိုတော့ ရွေးချယ်ခံရတဲ့သူတွေရဲ့ လစာကလည်းရှိသေးတယ်ဗျာ။ အစိုးရသက်တမ်းက ၂နှစ်ပဲကျန်တော့တယ်။ အဲဒီတော့ဗျာ။ ကျွန်တော်ကပထမ၀င်မပြိုင်ဘူးနေတာ။ ဒါပေမဲ့ သိတဲ့အတိုင်းပဲ။ ပထမ ကျွန်တော် ကော်မတီဝင်အဖြစ်ရွေးချယ်ခံခဲ့ရတယ်။ လုပ်ပေးခဲ့တာလည်းအများကြီးပဲ။ ဖယ်ရှားခံရတာတော့ မပြောတော့ဘူးဗျာ။ စိတ်မကောင်းဖြစ်မယ်။ ပြောဖို့လည်းမသင့်တော့လို့။ အဲဒီတော့ အခုကကျန်တဲ့သက်တမ်းမှာ ကျွန်တော် စည်ပင်သာယာအကြောင်းကိုနားလည်တယ်။ လူထုကို အလုပ်လုပ်ပေးချင်တယ်။ ဒါကြောင့် ၀င်ပြိုင်ချင်တာဗျာ’’ ဟု ဇောတိကဦးခင်လှိုင်က ပြောသည်။
ယခုကျင်းပမည့် ရန်ကုန်မြို့တော်စည်ပင်သာယာရေးကော်မတီဝင် ရွေးကောက်ပွဲတွင် အများပြည်သူဆန္ဒမဲဖြင့် ကော်မတီဝင် ၆ ဦးအား ရွေးချယ်ခန့်အပ်သွားမည်ဖြစ်သည်။

ယခင်အစိုးရလက်ထက်ကရွေးကောက်တင်မြှောက်ထားသည့်စည်ပင်သာယာရေးကော်မတီအဆင့်ဆင့်၏ ကော်မတီဝင်များအား(၂၀၁၆)ခုနှစ်မေ(၁၆)ရက်၊ရက်စွဲဖြင့် စည်ပင်သာယာရေးကော်မတီအဆင့်ဆင့် ရွေးကောက်တင်မြှောက်ခြင်းဆိုင်ရာနည်းဥပဒေများကိုပြင်ဆင်သည့်နည်းဥပဒေ၊ ရန်ကုန်မြို့တော် စည်ပင်သာယာရေးကော်မတီအမိန့်ကြော်ငြာစာအမှတ်(၁/၂၀၁၆)ကို မြို့တော်ဝန်ကလက်မှတ် ရေးထိုးထုတ်ပြန်ခဲ့ပြီး ကော်မတီဝင်များကိုတာဝန်မှရပ်စဲခဲ့သည်။ထို့နောက် လုပ်ငန်းများလစ်ဟာမှုမရှိစေရန် ဒေါ်လှိုင်မော်ဦး(အတွင်းရေးမှူး)၊ ဦးသန်း(တွဲဖက်အတွင်းရေးမှူး)၊ ဒေါ်မေမေသွင်(ကော်မတီဝင်)နှင့်ဒေါ်သန်းမြင့်အောင်(ကော်မတီဝင်)လေးဦးတို့ကို ရန်ကုန်တိုင်းဒေသကြီး အစိုးရအဖွဲ့ကဇွန် (၁)ရက်နေ့တွင် ခန့်အပ်ခဲ့သည်။

Credit-Akonthi

Tips News