အသက်ရှည်အောင် ယောက်ျားတွေကိုရှောင်ဆိုတဲ့ အသက်ရာကျော်ဖွားဖွား

အသက်ရှည်ဖို့အတွက် ဘာလုပ်ရမလဲ မသိတဲ့သူတွေအတွက်တော့ အသက်တစ်ရာကျော်ရှည်တဲ့ သူတွေရဲ့ အကြံအစည်ကို တောင်းတာဟာ မှန်ကန်တဲ့ နည်းဖြစ်မှာပါ။ နှစ်ပေါင်းများစွာကြာအောင် ကြားခဲ့ရတဲ့ လျှို့ဝှက်နည်းတွေကလည်း မနည်းလှပါဘူး။ ဒါပေမယ့် အခုတစ်ခါတော့ ဘယ်သူမှတွေးမထားတဲ့ လျှို့ဝှက်ချက်ကို ပြောတဲ့ ဖွားသက်ရှည်တစ်ယောက် ပေါ်လာခဲ့ပါပြီ။

ဒီဇာတ်လမ်းဟာ ၂၀၁၅ ခုနှစ်က အမေရိကန်တစ်ဝန်းမှ အသက်တစ်ရာကျော်သူတွေ အားလုံးကို Holiday Retirement မှ သူတို့ရဲ့ အသက်ရှည်မှုအတွက် အချက်အလက် ကောက်ခံခဲ့တာကနေ စတင်ခဲ့ပါတယ်။ သူတို့ရဲ့ ကောက်ခံချက်မှာ ပြည့်ပြည့်စုံစုံပါဝင်ခဲ့ပြီး ဘယ်လိုအသက်ရှည်ရှည်နေရမလဲ ဆိုတဲ့ နည်းနာနိဿယတွေ ရရှိခဲ့တယ်။

အချို့က မိသားစုက အရေးကြီးတယ်လို့ ဖြေကြသလို တစ်ချို့ကတော့ ကိုယ့်ဘဝကိုယ် စိတ်ကျေနပ်စွာ နေထိုင်နိုင်ခြင်းက အသက်ရာကျော်ဖို့ အဓိကပဲလို့ ဆိုကြတယ်။ ဒါပေမယ့် အံ့သြစရာ အဖြေတွေထဲက တစ်ခုကတော့ အသက် ၁၀၉ နှစ်ရှိပြီဖြစ်တဲ့ ဂျက်ဆီဂယ်လန် အမည်ရ အဖွားအိုဆီက လာပါတယ်။

၁၉၀၆ ခုနှစ်မှာမွေးဖွားခဲ့တဲ့ ဂျက်ဆီဟာ စကော့တလန်က မိသားစုလယ်တောလေးမှာ ကြီးပျင်းခဲ့တာပါ။ သူမရဲ့ မိဘတွေနဲ့ မောင်နှမခြောက်ယောက်တို့အတူ နေထိုင်လာခဲ့တယ်။ သူမ ဘဝက ရိုးရှင်းပြီး တောနယ်မှာပဲ လွတ်လပ်စွာ ကြီးပျင်းလာခဲ့တယ်။

သူမဟာ ကျောင်းခဏတက်လိုက်သေးပေမယ့် လယ်တောတစ်ခုက မီးဖိုချောင်မှာ အလုပ်ရသွားခဲ့တယ်။ ပထမဆုံး အလုပ်ရဲ့နောက်မှာတော့ ဂယ်လန်ဟာ မြို့ကြီးမှာ အိမ်ဖော်အဖြစ်လည်း လုပ်ကိုင်လိုက်ပါသေးတယ်။ သူဌေးသူကြွယ်တွေအတွက် အိမ်ဖော်လုပ်ခဲ့ပြီးနောက် အိမ်မှုကိစ္စဝန်ဆောင်မှု လုပ်ငန်းထဲသို့ ရောက်လာခဲ့တယ်။

၂၀၁၅ ခုနှစ် မတ်လမှာ ဂယ်လန် သေဆုံးသွားခဲ့ပေမယ့် သူမရဲ့ အသက်ရှည်ခြင်းအတွက် လျှို့ဝှက်ချက် ကိုတော့ ပြောချင်လွန်းလို့ တို့လို သိချင်သူတွေအတွက် ချန်ထားခဲ့ပါတယ်။ “ကျွန်မရဲ့ အသက်ရှည်ရှည်နေခြင်း လျှို့ဝှက်ချက်ကတော့ ယောက်ျားတွေနဲ့ ဝေးဝေးနေတာပဲ” လို့ ဂယ်လန်က ဆိုပါတယ်။ “သူတို့က (အတူနေဖို့) ထိုက်တန်တာထက် ပိုပြီး ဒုက္ခပေးတယ်”။ သူမရဲ့ ကျန်းမာရေးအတွက် နောက်ထပ် လျှို့ဝှက်ချက်တစ်ခုကတော့ သူမကိုယ်တိုင် ချက်ပြုတ်တဲ့ ဆန်ပြုတ်ပဲဖြစ်ပြီး သူမတစ်သက်လုံး ဒါကို စွဲမြဲစားသောက်ခဲ့တယ်လို့ ဆိုပါတယ်။

ဂယ်လန်ဟာ လူတွေအကြားမှာ ငြင်းခုန်ချင်စရာ သီအိုရီတစ်ခုကို ချန်ထားခဲ့တာပါပဲ။ သူပြောတဲ့ စကားမှန်မှန်ဆိုတာ အတိအကျ သက်သေပြဖို့ မဖြစ်နိုင်သေးသလို၊ အသက်ရာကျော်ရှည်တဲ့ သူတွေထဲမှာ အိမ်ထောင်ကျဖူးတဲ့လူတွေလည်း ပါတာပါပဲ။ ပြောချင်လွန်းလို့ ပရိသတ်တွေရော ဖွားဖွားဂယ်လန်ရဲ့ စကားကို နားထောင်ဖို့ အသင့်ပဲလား။

Tips News