Star Awards ဆုပေးပွဲမှ ရန်သူရုပ်ရှင်ဇာတ်ကား နှုတ်ထွက်

မြန်မာ့ရုပ်ရှင်ထူးချွန်ဆု အကယ်ဒမီဆုပေးပွဲလိုမျိုး အနုပညာရှင်တွေရဲ့ ပန်းတိုင်တစ်ခုဖြစ်လာမယ့် Star Awards ဆုပေးပွဲကို ၂၀၁၉ ခုနှစ် ဒီနှစ်အတွင်းမှာ အထူးခြားဆုံးနဲ့ ပထမဆုံးကျင်းပသွားမှာဖြစ်ပါတယ်။ ၂၀၁၉ ခုနှစ် ဧပြီလ ၅ ရက်နေ့မှာ ကျင်းပသွားမှာဖြစ်ပြီးတော့ ရုပ်ရှင်ဇာတ်ကားပေါင်း ၈၃ ကားမှ ဇကာတင် ဇာတ်ကား ၂၁ ကားကိုရွေးချယ်ပြီးတော့ ထူးချွန်ဆု ၁၈ ဆုပေးအပ်သွားမှာဖြစ်ပါတယ်။

ရွှေစင်ဦးရုပ်ရှင်ထုတ်လုပ်ရေးက ရိုက်ကူးထားတဲ့ ရန်သူရုပ်ရှင်ဇာတ်ကားကြီးမှာ နေမင်း၊ ဝတ်မှုန်ရွှေရည်နဲ့ နေခြည်ဦးတို့ အဓိက ပါဝင်သရုပ်ဆောင်ထားတာဖြစ်ပြီး ထိုရုပ်ရှင်ကားကြီးဟာ ၂၀၁၈ ခုနှစ်ထဲမှာရုံတင်ပြသခဲ့တဲ့ ရုပ်ရှင်ကားကြီးဖြစ်ပါတယ်။ ရန်သူရုပ်ရှင်ကားကိုတော့ Star Awards ဆုပေးပွဲကနေပြီး နှုတ်ထွက်ပါတယ်လို့ ယနေ့ ဇန်နဝါရီလ ၁၆ ရက်နေ့ က ရွှေစင်ဦးရုပ်ရှင်ထုတ်လုပ်ရေးဖေ့ဘုတ်စာမျက်နှာကနေ ကြေငြာလိုက်တာဖြစ်ပါတယ်။

ကြေငြာချက်ထဲမှာတော့ “Star Award ကျင်းပမယ် ဆိုတဲ့အကြောင်းကို ထုတ်လုပ်သူကိုယ်တိုင်လေးစားရတဲ့ စာနယ်ဇင်းမှ အန်ကယ်ကြီးက Facebook Messenger ကတစ်ဆင့်လှမ်းပြောပါတယ် စပြောပြောခြင်းပဲ ထုတ်လုပ်သူကလည်းအားတက်သရော ပါဝင်ကူညီမယ့်အကြောင်းပြန်ပြောခဲ့ပါတယ်။ စာနယ်ဇင်းပွဲအပြီး ဇကာတင်ဇာတ်ကားဆိုပြီးစာရင်းထွက်လာတော့ ရွှေစင်ဦးတစ်တိုက်တည်းက ၂၀၁၈ ရုံတင်ဇာတ်ကား ၃ကားရှိနေပါလျှက် နှစ်ကားက ပျောက်ခြင်းမလှပျောက်နေတာတွေ့လိုက်ရတယ်။ ပျောက်နေတဲ့ဇာတ်ကားနှစ်ကားကလည်း နေတိုးကားတွေဖြစ်နေတဲ့အတွက်ဘယ်လိုရွေးချယ်သလဲဆိုတဲ့အတွေးကိုဖြစ်စေပါတယ်။ မုန်းလို့ရရင်မုန်းချင်တယ်ဇာတ်ကားဆိုရင် ဖယ်ထုတ်လိုက်တယ်ဆိုတာလက်ခံလို့မရတဲ့ကားဆိုတာကိုပရိသတ်လည်းသိပါတယ်။ ဒါကြောင့်ပဲ ရန်သူကိုလည်းနှုတ်ထွက်ဖို့လုံလောက်တဲ့ဆုံးဖြတ်ချက်ကို ချလိုက်တာပါ။” လို့ သူတို့ရဲ့သက်ဆိုင်ရာဖေ့ဘုတ်စာမျက်နှာကနေ ကြေငြာသွားခဲ့တာပါ။We Love Cele

Photos-Star Awards & ရန်သူ ရုပ်ရှင်ဇာတ်ကားကြီး

Tips News