သားတွေရဲ့ပညာရေးအတွက် ခြေနင်းအလျင် မနှေးမယ့် ဆိုက်ကားသမ

သူ၏ညာဘက်လက်ဖြင့် လက်ကိုင်ဘရိတ်ကို ဆွဲညှစ်လိုက်ရာ အရှိန်နှင့်ပြေးလာသော ဆိုက်ကားလေးမှာ ကျွီခနဲဖြင့် ရပ်တန့်သွားပြီး တစ်ပြိုင်နက်တည်း ကျောင်းတက်ခေါင်းလောင်း ထိုးသံလည်း ထွက်ပေါ်လာသည်။ ခေါင်းလောင်းသံကြောင့် ကျောင်းချိန်အချိန်မမီမည်ကို စိုးရိမ်နေသော ဒေါ်ခင်မြင့်တစ်ယောက် ဟူးခနဲသက်ပြင်းချလိုက်နိုင်တော့သည်။ထို့နောက် နဖူးပေါ်တွင် ယိုစီးနေသော ချွေးသီး၊ ချွေးပေါက်များကိုပင် မသုတ်နိုင်အား။ မိမိ၏ နေ့စဉ်ခရီးသည်လေးများအဖြစ် နံဘေးတွင် ထိုင်၍လိုက်ပါလာသော လေးတန်းကျောင်းသူလေးနှစ်ဦးကို ဆိုက်ကားပေါ်မှဆင်းနိုင်ရန် ကူညီပေးလိုက်ပြီး သူတို့၏ကျောင်းသုံးပစ္စည်းများ ဆိုက်ကားပေါ်တွင် ကျန်မကျန် စစ်ဆေးလိုက်သည်။

နေအိမ်တွင် သားငယ်နှင့်အတူ တွေ့ရသော ဒေါ်ခင်မြင့်။ ဓာတ်ပုံ • ဖိုးဝ

ထို့နောက် ကျောင်းတွင်းသို့ ပြေးဝင်သွားကြသည့် ကျောင်းသူလေးနှစ်ဦးကိုလည်း ကျောင်းဆင်းချိန်တွင် မိမိဆီကို တန်းတန်းမတ်မတ်လာရန်နှင့် မိမိမရောက်သေးပါက ချိန်းထားသည့်နေရာတွင်သာ စောင့်နေကြရန် လှမ်းအော်ပြောလိုက်ပြီး စကားမဆုံးခင်မှာပင် ဆိုက်ကားထိုင်ခုံကျောမှီပြားများကို ခေါက်ချလိုက်သည်။နံနက် ၆ နာရီကတည်းက ဆိုက်ကားဖြင့် ခရီးသည် စတင် ပို့ဆောင်နေသည်မှာ ယခုနှင့်ပါဆိုလျှင် ခရီးစဉ်လေးကြောင်း ရှိပြီ။ ပုံမှန်အားဖြင့် နံနက် ၆ နာရီတွင် ရပ်ကွက်တွင်းမှခရီးသည်တစ်ဦးကို သင်္ဃန်းကျွန်းစံပြဈေးသို့ ပုံမှန်ပို့ပေးရပြီး ထိုမှပြန်ရောက်ပါက အိမ်နီးနားချင်းအမျိုးသမီးနှစ်ဦးကို ၎င်းတို့၏အလုပ်ဌာနထံသို့ ပို့ဆောင်ပေးရသည်။ ပြီးလျှင် ရပ်ကွက်တွင်းမှ အမျိုးသမီးများအပ်ထားကြသော ကျောင်းသူလေး များကို သံသုမာလမ်းမပေါ်ရှိ အထက်တန်းကျောင်းသို့ပို့ပေးပြီးလျှင် ထိုနေ့မနက်တစ်ပိုင်းအတွက် ဒေါ်ခင်မြင့်၏ အလုပ်ပြီးပြီဖြစ်သည်။ယနေ့တွင်တော့ အမျိုးသမီးနှစ်ဦးကို အလုပ်သို့ပို့ပေးပြီး အပြန်တွင် (ခ)ရပ်ကွက်သို့သွားလိုကြောင်း အမျိုးသမီးတစ်ဦးက ခေါ်သည်နှင့် အချိန်ရသည်နှင့် လိုက်သွားခဲ့သည်။ သို့သော်လည်း တွက်ထားသည့် အချိန်ထက် ပိုကြာသွားသဖြင့် ရပ်ကွက်သို့ ကတိုက်ကရိုက်ပြန်လာခဲ့ရပြီး ကျောင်းသူလေးများကို ကျောင်းတက်ချိန်အမီ သွားပို့လိုက်ရခြင်းဖြစ်သည်။

ထိုကဲ့သို့ ခရီးသည်များကို ကသောကမျောပို့လိုက်ရသဖြင့် ဒဏ်အနည်းငယ်ဖြစ်နေသည့် ဒူးနှစ်ဖက်ကို ပိုအလုပ်ပေးလိုက်သလိုဖြစ်သွားခဲ့ပြီး ပိန်ခြောက်ခြောက်ခန္ဓာကိုယ်တွင်းမှ ရှိစုမဲ့စုအင်အားများလည်း ကုန်ခမ်းသွားသလို ဒေါ်ခင်မြင့်တစ်ယောက် ခံစားလိုက်ရသည်။”ဒီမနက်လူက နည်းနည်းပြိုင်းသွားပြီ၊ အိမ်ပြန်နားမှဖြစ်တော့မယ်”ဟု ဒေါ်ခင်မြင့်က ဆိုက်ကားပေါ်တွင်ထိုင်လျက် အမောဖြေရင်းဆိုသည်။တစ်ခါတစ်ရံ သားနှစ်ဦး ကျောင်းသွားရန် ပျင်းနေပါက ဆိုက်ကားပေါ်တင်ပြီး ကိုယ်တိုင်ကျောင်းသွားပို့ပေးရပြီး ကျောင်းတက်ပျော်စေရန် ကြိုးပမ်းရသည်

ထို့ကြောင့် မွန်းလွဲကျောင်းလွှတ်ချိန် အကြိုအပို့မလုပ်ခင်ချိန်ထိ အလုပ်ခဏရပ်နားမည်ဟု ဆုံးဖြတ်ချက်ချလိုက်ပြီး ဆိုက်ကားလက်ကိုင်ကို မိမိ၏အိမ်ရှိရာ သုဝဏ္ဏမြို့နယ်၊ (င)ရပ်ကွက်သို့ ဦးလှည့်လိုက်တော့သည်။အသက် ၄၃ နှစ် ကျော်ပြီဖြစ်သည့် ဒေါ်ခင်မြင့်တစ်ယောက် ဆိုက်ကားနင်းသည့်အလုပ် လုပ်ကိုင်သည်မှာ သုံးနှစ်ကျော် လေးနှစ်ဝန်းကျင်မျှသာ ရှိသေးသည်။ အစပိုင်းကတော့ ဒေါ်ခင်မြင့်က ဆိုက်ကားသမားလုပ်မည်ဟု စိတ်ကူးသော်မျှ မရှိခဲ့ပါ။ ယောကျာ်းဖြစ်သူ၏ လုပ်အားခကိုမှီခိုပြီး အိမ်ထောင်ထိန်းသိမ်းရသည့် အများသူငါကဲ့သို့သော အမျိုးသမီးသာဖြစ်သည်။ သို့သော်လည်း သားသမီးသုံးဦး ရောဂါအသီးသီးဖြင့် သေဆုံးပြီး ယောကျာ်းဖြစ်သူ အရက်နွံထဲမှ ရုန်းမထွက်နိုင်တော့သည့်အချိန်တွင်တော့ မည်သူမျှ မတွန်းပို့ရပါပဲနှင့် အော်တိုမက်တစ် အိမ်ထောင်ဦးစီး ဆိုက်ကားဆရာမဘဝသို့ ရောက်သွားတော့သည်။

သူ၏အမျိုးသားဖြစ်သူ ကိုဂျပန်ကြီးမှာ (င)ရပ်ကွက်ထိပ်ရှိ ချမ်းအေးဆိုက်ကားဂိတ်မှ ဆိုက်ကားသမားတစ်ဦးဖြစ်ပြီး အရက်အလွန်အကျွံသောက်သူ တစ်ဦးဖြစ်သည်။သူမူးပြီဆိုလျှင် ရပ်ကွက်တစ်ခွင် လှည့်လည်ကာ ရမ်းတတ်ပြီး ဖဲလည်းရိုက်သဖြင့် ဒေါ်ခင်မြင့်က အိမ်နှင့်ကလေးကိုပစ်ကာ လင်သည်ကို အမြဲလိုက်ရှာရသည်။ များသောအားဖြင့် ဆိုက်ကားတခြား လူတခြားဖြစ်နေသည်ကိုသာ တွေ့ရလေ့ရှိပြီး တစ်ကြိမ်တွင်တော့ အုံနာကြေးသွင်းကာ နင်းနေသည့်ဆိုက်ကားပင်ပျောက်သွားလေသည်။ကနဦးမွေးထားသည့် ကလေးသုံးဦးမှာလည်း တုပ်ကွေး၊ ဝမ်းရောဂါအသီးသီးဖြင့် ရှေ့ဆင့်နောက်ဆင့်ဆိုသလို ဆုံးသွားပြီးသည့် နောက်တွင်တော့ ဒေါ်ခင်မြင့်တစ်ယောက် ဆုံးဖြတ်ချက်တစ်ခုကို ချလိုက်တော့သည်။ ယောကျာ်းဖြစ်သူ အရက်ပြတ်ရေးနှင့် ကျန်သည့် ကလေးနှစ်ဦး လူလားမြောက်စေရေးတို့ ဖြစ်သည်။သို့ဖြင့် ယောကျာ်းဖြစ်သူအား ဆရာဝန်၏ညွှန်ကြားချက်အတိုင်း အရက်ဖြတ်ဆေးများကို လွန်ခဲ့သည့် ခြောက်နှစ်က စတိုက်ကာ အရက်ပြတ်စေဖို့ လုံးပန်းတော့သည်။သူက မူးပြီးလိုက်ဆဲနေတော့ ရဲဖမ်းမှာလည်း စိုးရတယ်၊ အဲဒါဆိုရင် သူ့အတွက် တစ်ခါပူရဦးမယ်၊ ဒါနဲ့ သူ့ကို အရက်ဖြတ်ဆေး ချော့တိုက်လိုက်တာ၊ တစ်နှစ်လောက်ကြာတော့ အရက်ပြတ်သွားတယ်၊ ဒါပေမဲ့ ဘာမှမလုပ်နိုင်တော့ဘူး၊ အန်တီလည်း အဲဒီအချိန်ကနေစပြီး ဆိုက်ကားသမားဖြစ်သွားတာပဲ” ဟု ဒေါ်ခင်မြင့်က သူဆိုက်ကားသမ ဘဝရောက်သွားပုံ၏အစကို ပြောသည်။အမျိုးသားဖြစ်သူမှာ အရက်ပြတ်သွားသော်လည်း အရက်အလွန်အကျွံသောက်ခဲ့ခြင်း၏ အကျိုးဆက်များအဖြစ် ခြေဆစ်လက်ဆစ်များ ပြုတ်သလိုဖြစ်ကာ ခြေလက်မသယ်ချင်တော့ခြင်း၊ အမောအပန်း မခံနိုင်တော့ခြင်းများ ဖြစ်လာပြီး အိပ်ရာထဲတွင်သာ ဖုန်းတစ်လုံးဖြင့် အချိန်ကုန်တော့သည်။

အိမ်၏ပင်မဝင်ငွေစီးဆင်းမှုမှာ ခါးဆက်ပြတ်သွားပြီး အမျိုးသားဖြစ်သူ နေမကောင်းဖြစ်စဉ်က ယူထားသော အြွေကးများကလည်း ပတ်လည်ဝိုင်းလာပြီဖြစ်သည့်အတွက် အိမ်ရှေ့တွင် ရပ်ထားသည့် အမျိုးသားဖြစ်သူ၏ ဆိုက်ကားဖြင့်သာ ဝင်ငွေရဖို့ ကြံဆရတော့သည်။ တခြားစီးပွားရေးလုပ်ဖို့ အရင်းအနှီးလည်းမရှိသလို ကြံရာမရသည့်အဆုံး ဆိုက်ကားသမအဖြစ်သာ စတင်လုပ်ကိုင်မိတော့သည်။အမျိုးသားဖြစ်သူ အရက်မဖြတ်ခင်က သူ၏ဆိုက်ကားကို ကိုယ်တိုင်ယူနင်းပြီး ကလေးများတင်ကာ ဟိုနားဒီနား အသွားအလာ လုပ်ခဲ့ဖူးသဖြင့် ဆိုက်ကားစနင်းသည့်အချိန်တွင်တော့ ဒေါ်ခင်မြင့်အဖို့မှာ အခက်အခဲမရှိလှ။ သို့သော်လည်း အမှန်တကယ် ကာယဗလကြီးမားသော ယောကျာ်းကြီးများနှင့် ရင်ဘောင်တန်းပြီး အလုပ်လုပ်ရာတွင်တော့ ကာယအားချို့တဲ့သော မိန်းမသားဖြစ်သူ ဒေါ်ခင်မြင့်မှာ စိန်ခေါ်မှု များစွာနှင့် ကြုံတွေ့ရလေသည်။”ဆိုက်ကားစနင်းတုန်းက ယောကျာ်းကြီးတွေက ပြောတာပေါ့၊ နင်မရှက်ဘူးလားဆိုပြီး၊ ရေရှည်လည်း လုပ်နိုင်မှာ မဟုတ်ပါဘူးကွာ ဆိုပြီးတော့၊ အဲဒီအခါကျရင်တော့ အားငယ်တာပေါ့” ဟု ဒေါ်ခင်မြင့်ကဆိုသည်။

အုံနာကြေးသွင်းပြီး ဆိုက်ကားနင်းရခြင်းဖြစ်ရာ ကိရိယာစုံစုံလင်လင်ဖြင့် အတော်အသင့် ပြင်ဆင်မွန်းမံထားသော ဆိုက်ကားဆိုလျှင် နင်းရသက်သာ သည်။ သို့မဟုတ်ပဲ လေပေါင်မပြည့်သောဆိုက်ကားမျိုးကို ရလျှင်တော့ အလွန်ပင်ပန်းသည်။”ဆိုက်ကားကောင်းတယ်ဆိုရင် နှစ်ယောက်၊ သုံးယောက်လောက်ကို အသာလေး တင်နင်းနိုင်တယ်၊ ဆိုက်ကားမကောင်းရင်တော့ သိပ်မသက်သာဘူး” ဟု ဒေါ်ခင်မြင့်က ဆိုသည်။(င)ရပ်ကွက်အတွင်းမှ ဈေးသည်အမျိုးသမီးများ၊ ကျောင်းသား ကျောင်းသူ အငယ်လေးများမှာ ဒေါ်ခင်မြင့်ပုံမှန်အကြိုအပို့လုပ်ပေးနေကျ ဖောက်သည်များ ဖြစ်ကြသည်။ တစ်ခါတစ်ရံတွင် ကြားပေါက်အဖြစ်လည်း ရပ်ကွက်အတွင်းမှ အမျိုးသမီးများခေါ်လျှင် လိုက်ပို့ပေးရသည်။

လိုက်ပို့ပေးရာတွင်လည်း (င)ရပ်ကွက်မှနေပြီး သင်္ဃန်းကျွန်း စံပြဈေး ထက်ပို၍ ခရီးဝေးမသွားနိုင်။ ထို့ကြောင့် အဝေးကိုငှားလျှင် မအားဘူးဟု ပြောပြီးငြင်းလွှတ်ရသည်။အမျိုးသားများက ဆိုက်ကားတားစီးလျှင်တော့ ဒေါ်ခင်မြင့်က မလိုက်၊ အများ၏အမြင်တွင် ယောကျာ်းသားဖြစ်သူကို အမျိုးသမီးဖြစ်သူက ဆိုက်ကားနင်းပို့ရသည်ဟု ဝေဖန်မည်ကို စိုးရိမ်သည့်အပြင် ဒေါ်ခင်မြင့် ကိုယ်တိုင်လည်း ရှက်ရွံ့မိသောကြောင့်ဖြစ်သည်။ ထို့ကြောင့် အမျိုးသားများ ဆိုက်ကားငှားစီးလျှင် အသိဆိုက်ကားဆရာများနှင့် လွှဲလျှင်လွှဲပေးသည်။ သို့မဟုတ် အော်ဒါအငှားရှိသည်ဟု အကြောင်းပြပြီး ငြင်းရသည်။

“ဘယ်လိုပြောရမလဲ၊ သူတို့ကို ရှိန်တာပေါ့၊ ပြီးတော့ နည်းနည်းလည်း ရှက်သလိုဖြစ်တယ်၊ ယောကျာ်းကလေးငယ်တွေ ဆိုရင်တော့ ဘာမှ မဖြစ်ဘူး” ဟု ဒေါ်ခင်မြင့်က ဆိုသည်။အရက်ဖြတ်ပြီး ငါးနှစ်ကျော်အကြာတွင်တော့ အမျိုးသားဖြစ်သူက ဆိုက်ကားအနည်းငယ်ပြန်နင်းလာနိုင်သည်။ များသောအားဖြင့် ခရီးသည်ကို ဇနီးသည်နှင့်အတူ တစ်ယောက်တစ်ဝက်စီ ဝေပုံကျခွဲယူပြီး လိုက်ပို့ပေးသည်။ သို့သော် ဒေါ်ခင်မြင့်လောက် ခရီးစဉ်အခေါက်အရေမများသလို ဝင်ငွေလည်း အများကြီးရသည်တော့မဟုတ်။ တစ်ခါတစ်ရံ ရင်ကျပ်ပြီးမောတတ်သေးသဖြင့် အိပ်ရာထဲတွင် အနားယူနေရသည် ကသာ များသည်။ ဒေါ်ခင်မြင့်ကတော့ ယောကျာ်းဖြစ်သူ အရက်ပြတ် သွားခြင်းဖြစ်သည်ကသာ ဆုလာဘ်ကြီးတစ်ခုအဖြစ် ကျေနပ်နေသည်။

“နေပါစေ၊ အရက်ပြတ်ဖို့က အဓိကပဲ၊ နင်လည်း ရသလောက်ပဲနင်း၊ ငါလည်း ရသလောက်နင်းပြီး ရှာမယ်ဆိုပြီး လုပ်နေတာ” ဟု ဒေါ်ခင်မြင့်က ဆိုသည်။ဦးဂျပန်ကြီးမှာလည်း အခြေအနေအရ ဆိုက်ကားနင်းနေရသည့် ဇနီးဖြစ်သူကို မကြည့်ရက်။ သို့သော်လည်း ကိုယ်တိုင်လည်း အိမ်၏အဓိကဝင်ငွေရအောင် မလုပ်နိုင်သဖြင့် ဘေးကျပ်နံကျပ်ဖြစ်ရသည်။ အရက်ဖြတ်ပြီးနောက် ကိုယ်တွင်စွဲကပ်ခဲ့သည့် ပန်းနာရင်ကျပ် ရောဂါကလည်း မကြာခဏပြန်ထနေသဖြင့် ကိုယ့်ကိုယ်ကိုယ်သာ ကျန်းမာစေရန် ဂရုစိုက်နေရသည်။

“ရှင်းရှင်းပြောရရင် ကိုယ့်မိန်းမ ဒီလိုအလုပ်လုပ်နေတာ မကြည့်ချင်ဘူး၊ မကြည့်ချင်ဘူးဆိုပေမဲ့ ကျွန်တော်က နှစ်ခေါက်လောက်နင်းပြီးရင် မနင်းနိုင်တော့ဘူးလေ၊ အရက်ကတော့ လုံးဝပြတ်သွားပါပြီ” ဟု ဦးဂျပန်ကြီးက အသက်ရှူသံပြင်းပြင်းဖြင့် ဆိုသည်။မလွှဲသာ၍ ဆိုက်ကားနင်းစားနေရသော်လည်း ရပ်ကွက်အတွင်းရှိ အခြားမိန်းမသားများက ဒေါ်ခင်မြင့်ကို ကိုယ်ချင်းစာသည်။ အပြင်သွားစရာရှိလျှင် အခြားအမျိုးသားများ၏ ဆိုက်ကားကိုမစီးဘဲ ဒေါ်ခင်မြင့်ကိုသာ အကြိုအပို့လုပ်ခိုင်းလေ့ရှိသည်။ အထူးသဖြင့် ဒေါ်ခင်မြင့်က စိတ်ရှည်သူတစ်ဦးဖြစ်သည့်အပြင် ယုံကြည်စိတ်ချရသူ ဖြစ်သည့်အတွက်ကြောင့်လည်း အမျိုးသမီးအများစုက သဘောကျ ကြသည်။

“ခေါ်ခြင်းခေါ် သူ့ကိုပဲခေါ်တယ်၊ သူက ဘယ်လောက်ကြာကြာ စိတ်ရှည်ရှည်နဲ့ စောင့်ပေးတယ်၊ သမီးမိန်းကလေးတွေဆိုရင် သူနဲ့ကျတော့ စိတ်ချရတယ်လေ” ဟု ဒေါ်ခင်မြင့်၏ဆိုက်ကားဖြင့် ဆေးခန်းအတူသွားလေ့ရှိသည့် ဒေါ်အောင်က ဆိုသည်။သားသမီးသုံးဦး ရောဂါအသီးသီးဖြင့် သေဆုံးပြီး ယောကျာ်းဖြစ်သူ အရက်နွံထဲမှ ရုန်းမထွက်နိုင်တော့သည့်အချိန်တွင်တော့ မည်သူမျှမတွန်းပို့ရပါပဲနှင့် အော်တိုမက်တစ်အိမ်ထောင်ဦးစီးဆိုက်ကားဆရာမထိုသို့ ဒေါ်ခင်မြင့်၏ ဆိုက်ကားကို အချိန်အတော်ကြာစီးရင်း အမျိုးသမီးဖောက်သည်အများစု ဒေါ်ခင်မြင့်ဆီမှ သတိထားမိသည့် အရာတစ်ခုရှိသည်။ ထိုအရာမှာ ဒေါ်ခင်မြင့် သတ္တိကောင်းခြင်းဖြစ်သည်။”သူ့လိုသတ္တိမျိုး၊ သူ့လိုစွန့်စားမှုမျိုးဆိုတာ မလွယ်ဘူး၊ ကားတွေ တဝီဝီနဲ့သွားနေတဲ့ ကြားထဲမှာ နင်းတာ ယောကျာ်းလေးတွေထက်တောင် ပိုပြီးသတ္တိကောင်းတယ်” ဟု ဒေါ်အောင်က အမွှန်းတင်သည်။အမျိုးသားဖြစ်သူများပင် ကိုယ်ကာယအသုံးပြုပြီး လုပ်ကိုင်ရသည့် အတွက် ကျန်းမာရေးချူချာမှုမျိုး တွေ့ကြုံနေရသည်ဖြစ်ရာ ဒေါ်ခင်မြင့် ကဲ့သို့သော အမျိုးသမီး ဆိုက်ကားဆရာမအတွက်လည်း ကျန်းမာရေး ပြဿနာနှင့် နဖူးတွေ့ဒူးတွေ့ကြုံရမြဲသည်။ ယခင်က ပိုက်ဆံလိုချင်သည့် လောဘကြောင့် မနားမနေနင်းခြင်းမျိုး ပြုလုပ်ခဲ့သော်လည်း ကျန်းမာရေး အတွက် ရေရှည်ကြည့်သည့်သဘောဖြင့် စည်းကမ်းနှင့် အချိန်တစ်ခုချပြီး လုပ်ကိုင်ရသည်။

“ဒူးတွေက ကြာလာတော့ မခံနိုင်တော့ဘူး၊ ခေါင်းက သိပ်မကောင်းဘူး၊ ခဏခဏ မူးတယ်၊ နေကလည်း ပြင်းတယ်လေ၊ အဲဒါ တစ်အားမူးတာ မခံနိုင်တော့ နေ့ခင်းဘက်ကို အိပ်ရတယ်” ဟု ဒေါ်ခင်မြင့်က ဆိုသည်။ကိုယ်တိုင်က အြွေကးနှင့်မကင်းသူများ၏ သားသမီးများကို အစိုးရ အထက်တန်းကျောင်းများသို့ ပို့ပေးနေရသော်လည်း မိမိ၏သားနှစ်ဦးကိုမူ ဘုန်းတော်ကြီးသင်ပညာရေးကျောင်းတွင်သာ ထားနိုင်သည့်အတွက် တစ်ခါတစ်ရံဒေါ်ခင်မြင့် စိတ်မကောင်းဖြစ်တတ်သည်။လက်ရှိသားကြီးမှာ ခြောက်တန်းတက်နေပြီး သားငယ်က လေးတန်း တက်နေပြီဖြစ်သည်။ လမ်းပေါ်တွင် ပင်ပင်ပန်းပန်းဖြင့် ဆိုက်ကားနင်းပြီး ပိုက်ဆံရှာနေရသည့် မိခင်ဖြစ်သူကို တွေ့မြင်နေရသည့်အခါတိုင်း သားကြီး က ကျောင်းထွက်ပြီး ပိုက်ဆံရှာမည်ဟု တစ်ခါတစ်ရံပြောတတ်သည်။ထိုကဲ့သို့ ကျောင်းထွက်မည်ဟုပြောလာလျှင် ဒေါ်ခင်မြင့် ရင်ထိတ်ရပြီ။ သူပင်ပင်ပန်းပန်းလုပ်ကိုင်ကာ ရှာဖွေစားသောက်နေရသကဲ့သို့ သူ့သားသမီးများကို မဖြစ်စေချင်။ ထို့ကြောင့် ချော့တန်တစ်လှည့် ခြောက်ချည်တစ်ခါဖြင့် ကျောင်းပညာရေးကိုသာ အာရုံစိုက်စေရန် ပြောဆိုဆုံးမရသည်။ တစ်ခါတစ်ရံ သားနှစ်ဦး ကျောင်းသွားရန် ပျင်းနေပါက ဆိုက်ကားပေါ်တင်ပြီး ကိုယ်တိုင်ကျောင်းသွားပို့ပေးရပြီး ကျောင်းတက်ပျော်စေရန် ကြိုးပမ်းရသည်။ကလေးများကို နွေရာသီကျောင်းပိတ်ရက်တွင် ကားရေဆေး လုပ်ငန်းက အလုပ်လုပ်ရန်ခေါ်လျှင် မလွှတ်။ ပိုက်ဆံရသည်ဆိုပြီး အလုပ်ထဲစိတ်ပါသွားမည်ကို စိုးရိမ်သောကြောင့် ကျောင်းတက်နေ သည့်အချိန်အတွင်း သားနှစ်ဦးကို ပိုက်ဆံရမည့်အလုပ်ဆိုလျှင် မည်သည့်အလုပ်ကိုမှ မလုပ်ခိုင်းပေ။”အမေတို့ စာမတတ်လို့ မိန်းမတန်မဲ့ ဒီလိုဆိုက်ကားနင်းနေရတာ၊ အပေါင်းအနှုတ်တောင် မလုပ်တတ်ဘူး၊ ဘယ်လောက်ရှက်ဖို့ကောင်းလဲ၊ ဒါကြောင့် သားတို့ကိုတော့ ဘောပင်နဲ့ စာရေးပြီး ပိုက်ဆံရှာတာပဲ အမေမြင်ချင်တယ်လို့ သူတို့ကို ခဏခဏပြောထားရတယ်” ဟု ဒေါ်ခင်မြင့်က ဆိုသည်။

သားနှစ်ယောက်ကို ပညာတတ်ဖြစ်စေချင်သူ ဒေါ်ခင်မြင့်တစ်ယောက် အများက မည်သို့ပင် ဝေဖန်နေသော်လည်း အိမ်၏စားဝတ်နေရေး အဆင်ပြေစေရန်အတွက် ဆိုက်ကားဆရာမဘဝကို ပြုံးပြုံးကြီးခံယူ နေဦးမည်ဖြစ်သည်။ ရှေ့အလားအလာအရ မည်သို့သောအနာဂတ်မျိုး ရောက်ရှိလာမည် မသေချာသော်လည်း အိပ်မက်တစ်ခုကိုတော့ ဒေါ်ခင်မြင့် ထပ်တလဲလဲမက်သည်။”အရင်ဆုံး အိမ်အြွေကးကျေရင်၊ သားနှစ်ယောက် ကျောင်းပြီးသွားရင် ကျွန်မလည်း ဒီဆိုက်ကားထိုင်ခုံပေါ်က ဆင်းမယ်၊ အဲဒါ ကျွန်မရဲ့ အဖြစ်ချင်ဆုံးဆန္ဒပဲ” ဟု ဒေါ်ခင်မြင့်က အိမ်ရှေ့တွင်ရပ်ထားသည့် သူ၏ဆိုက်ကားကို စူးစူးစိုက်စိုက်ကြည့်ရင်း ဆိုလေသည်။

Tips News

error: Content is protected !!