သွေးရည်ကြည်ကုထုံးအတွက် သွေးလှူခဲ့တဲ့ နီတာ

နီတာကတော့ Quarantine ကာလပြီးသွားတဲ့ အချိန်မှာ ပထမဆုံးအနေနဲ့ ဝေဘာဂီဆေးရုံကြီးမှာ သွေး လှူခဲ့တဲ့အကြောင်း ပြောပြလာပါတယ်။အဆိုတော် နီတာကတော့ ဒီနေ့ မေလ (၂၈) ရက်က ဝေဘာဂီဆေးရုံကြီးမှာရှိတဲ့ သွေးရည်ကြည်ကုထုံး အတွက် သွေးလှူခဲ့တယ်လို့ သိရပါတယ်။ သူ Quarantine ဝင်ချိန်မှာ ပြုစုပေးခဲ့ကြတဲ့ကျန်းမာရေး ဝန်ထမ်းတွေအတွက် ဂုဏ်ပြုသီချင်း ဆိုပေးခဲ့တယ်လို့ ပြောလာပါတယ်။

“ ဆေးရုံကို လာဖြစ်တဲ့အကြောင်းက ကျွန်တော် Quarantine လည်း ပြည့်သွားပြီဆိုတော့ ဆေးစစ်တာလည်း ပြန်လုပ်ရမယ်။ ပြီးတော့ သွေးရည်ကြည်ကုထုံးအတွက် သွေးလှူဖို့လည်း ရှိသေးတော့ ဆေးရုံကို သွေးလှူဖို့အတွက်လာတာပါ။ ပြီးတော့ ဆေးရုံမှာရှိတဲ့ ဆရာ၊ ဆရာမတွေအတွက် အစ်ကို ဂုဏ်ပြုသီချင်း(၄) ပုဒ်ဆိုပေးခဲ့တယ်။ ဆရာ ၊ ဆရာမတွေရဲ့ ပြုစုမှုကြောင့် အများကြီး နေကောင်းလာတာဖြစ်တဲ့အတွက် အစ်ကို့ အနေနဲ့ ကျေးဇူးတင်လွန်းလို့ အခုလို ဆိုပေးဖြစ်တာပါ။ ဝမ်းလည်း ဝမ်းသာတယ်။ ပျော်လည်း ပျော်တယ်” လို့ ဆိုပါတယ်။

နီတာဟာ အခုဆိုရင်တော့ ဂီတအလုပ်တွေ ပြန်လည် လုပ်ကိုင်သွားတော့မယ်လို့ ဆိုပါတယ်။ လုပ်လက်စ သီချင်းလေးတွေလည်းရှိသေးတယ်လို့ သူကပြောပါတယ်။“ လတ်တလောက Quarantine လည်း ပြည့်ပြီဆိုတော့ အစ်ကို ဒီနေ့ကစပြီး အပြင်တွေ သွားလို့ရပြီပေါ့နော်။ အခု သွေး လှူထားတာ ဖြစ်တဲ့အတွက်လည်း အနားယူဖို့လိုတယ်။ မနက်ဖြန် ကျရင်တော့ အစ်ကို လုပ်နေတဲ့ သီချင်းလက်ကျန်လေးတွေကို ဟာမိုနီ စတူဒီယိုမှာ အသံသွားသွင်းဖို့ရှိပါတယ်။ အဲဒီမှာပဲ တစ်နေကုန် နေဖြစ်ဖို့ များပါတယ်” လို့လည်း ဆက်လက် ပြောပြလာပါတယ်။

အဆိုတော် နီတာဟာ အစိုးရကကျန်းမာရေး အသိပေးချက်တွေ စကြေညာတဲ့မတ်လ(၁၃) ရက်နေ့ကစပြီး Stay Home နေခဲ့ပေမယ့် မတ်လ (၂၉)ရက်နေ့မှာ ဘာသာရေးအခမ်းအနားနဲ့ ပတ်သက်တဲ့ ရိုက်ကူးရေးတစ်ခု ပြုလုပ်ပြီးနောက်မှာ စောင့်ကြည့်လူနာအဖြစ် အင်းစိန်ဆေးရုံမှာ ဆေးကုသမှု ခံယူခဲ့ပြီး Positive အဖြေထွက်လာချိန်မှာတော့ ဝေဘာဂီဆေးရုံကြီးကို ရောက်ရှိသွားခဲ့တယ်လို့ သိရပါတယ်။ မေလ ၉ ရက်နေ့ကနေ မေလ ၂၁ ရက်နေ့အထိ ဖောင်ကြီးမှာ Facility Quarantine ၂ပတ်တိတိ ဝင်ခဲ့ရတာဖြစ်ပါတယ်။ မေလ (၂၈) ရက် နေ့ကစပြီး အိမ်ကို ပြန်ခွင့်ရခဲ့ပြီဖြစ်ပါတယ်။ သူ့ရဲ့ သမီးလေးတွေနဲ့ ဇနီးကိုလည်း အရမ်းသတိရနေပြီလို့ ဆိုပါတယ်။ Duwun

admin