ဗိုလ်ချုပ်ကြီးနေဝင်း တိုင်းပြည်ကို စိတ်ကြိုက် ဖျက်စီးတော်မူခန်း

၁၉၅၇ ခုနှစ်တွင် အေဒီလမ်း အင်းလျားကန်ထိပ်တွင် စစ်ဦးစီးချုပ် နေထိုင်ရန် အိမ်ဆောက်စဉ်က ဇနီးဒေါ်ခင်မေသန်း ဟောင်ကောင်သို့သွားကာ အိမ်ဆောက်ပစ္စည်းများ၊ ဟိုင်ဖိုင်ဓာတ်ပြား၊ တိတ်ပြား၊ ဓာတ်စက်များ ၀ယ်ယူစေခြင်းတို့ ပြုလုပ်သောအခါ နိုင်ငံရေးရပ်ကွက်က မျက်လုံးပြူးကာ ကြည့်ကြပါသည်။

“မင်း … နေ၀င်းဆောက်တဲ့ အ်ိမ်ကို မြင်ပြီးပြီလား၊ အိမ်မဟုတ်ဘူး၊ နန်းတော်ကွ နန်းတော်”ဟု ဒေါက်တာဘမော်က စာရေးသူအား ပြောပြပါသည်။

Image result for ဗိုလ်ချုပ်ကြီးနေဝင်း

“ငါလည်း အာဏာရတုန်းက အနားယူတဲ့အချိန်မှာ နေဖို့ ကိုယ်ပိုင်အိမ်ဆောက်ခဲ့တယ်။ ကျော်ငြိမ်းတို့၊ ချစ်မောင်တို့လည်း ကိုယ်ပိုင်အိမ် ဆောက်ကြတာပဲ။ အတွင်းဝန်တွေ၊ ၀န်ထောက် မြို့အုပ်တွေလည်း ကိုယ်ပိုင်အိမ် ဆောက်ကြတယ် ဆိုတာ တနေ့ ရာထူးပြုတ်တဲ့အခါ အနားယူတဲ့အခါအတွက် အိမ်ဆောက်ကြတာဟာ မဆန်းဘူး။ နေ၀င်းက သူကိုယ်ပိုင် ဆောက်တာ မဟုတ်ဘူး၊ တပ်မတော်ဦးစီးချုပ် နေဖို့ အိမ်ကို ဒီလိုအပင်ပန်းခံပြီး ဆောက်တာဟာ ဒီကောင် တသက်လုံး ရာထူးက မဆင်းတော့ဘူးကွ”

ဟု သူက ကောက်ချက်ချခဲ့ပါသည်။ သူ တသက်လုံး နေထိုင်ရန်အိမ်ကို အခွန်တော်ငွေနှင့် ဆောက်ပြီး နောက်ပိုင်းတွင် ၁၉၆၂ ခုနှစ် အာဏာသိမ်းပြီးချိန်မှ စတင်ကာ နိုင်ငံ၏ ဓနစွမ်းအားမှန်သမျှ၊ နိုင်ငံပိုင် ပစ္စည်းပစ္စယမှန်သမျှ သူ၏ မိသားစုပိုင်၊ ဘိုးဘွားပိုင် ပစ္စည်းများအဖြစ် ထင်သလို စားသုံးပါတော့သည်။

ရန်ကုန်မြို့ အင်းလျားကန်ဟိုတယ်ကြီး၏ အ၀င်ဝတွင် ကော်ဖီဆိုင်ကလေးတခု ဖွင့်ထားပါသည်။ များသောအားဖြင့် ထိုဆိုင်တွင် လာရောက်စားသောက်သူမရှိပါ။ ဟိုတယ်သို့ တကူးတက လာရောက်သောက်နိုင်သူ ရှားပါးသည်။ တင်မောင်နှင့် သတင်းစဉ် အယ်ဒီတာ သန်းစိန်ထွန်း၊ မောင်မောင်ညို တို့သည် နိုင်ငံခြား ဧည့်သည်များ ကိစ္စ၊ ပြန်ကြားရေးဝန်ကြီးဌာန၏ ဧည့်ခံပွဲများ ပြုလုပ်ရေးကိစ္စများအတွက် အင်းလျားကန် ဟိုတယ်သို့ မကြာခဏ သွားရလေ့ ရှိပါသည်။

သွားလေတိုင်း ဟိုတယ်ပေါက်ဝတွင် ဖွင့်ထားသော အထူးကော်ဖီဆိုင် Expreeso ကော်ဖီခါး သောက်ကြလေ့ရှိပါ၏။ ရံဖန်ရံခါတွင် သန်းစိန်ထွန်းက မုန့်ပဲသရေစာ ဒါယကာ ခံရှာပါသည်။ ဈေးကလည်း ကြီးလှသဖြင့် အမြဲကော်ဖီမသောက်နိုင်ဘဲ ထိုင်ရုံသာ ထိုင်ခဲ့သည်လည်း ရှိပါသည်။

Image result for ဗိုလ်ချုပ်ကြီးနေဝင်း

ဖြူဖြူချောချော ထောင်ထောင်မောင်းမောင်း ကျောင်းသူတဦးနှင့် ကျောင်းသူအဖွဲ့ကို မကြာခဏ တွေ့ရပါသည်။ ကျောင်းသူတို့ အုပ်စုက ဈေးမမေးဘဲ တန်းဖိုးကြီးသော မုန့်များကို အ၀အပြဲ စားနိုင်ကြသည်ကို သတိပြုမိသဖြင့် ငွေရှင်းလျှင် မည်သူက ပေးသနည်းဟု စောင့်ကြည့်မိပါသည်။ ဘယ်လောက်ကျသနည်းဟု မမေးပါ၊ ငွေစာရင်း တောင်းခံလွှာ မတောင်းပါ။ စားသောက်ပြီး တပျော်တပါး ထွက်သွားကြပါသည်။ စားပွဲထိုးကလေးကို မေးကြည့်မိပါသည်။

“ဗိုလ်ချုပ်ကြီးရဲ့သမီး ဆေးကျောင်းသူ စန္ဒာဝင်းနှင့် သူရဲ့ သူငယ်ချင်းတွေလေ။ တော်တော်ကြာ တခြား သမီးတွေ လာကြဦးမယ်။ ဒီဆိုင်က သူတို့တတွေ နေ့လည်စာ စားဖို့ ဖွင့်ပေးရတာပါ။ သူတို့က ဘယ်တော့မှ ပိုက်ဆံမပေးဘူး”

ဟု ဖြေပါ၏။ ဗိုလ်နေ၀င်းက နိုင်ငံပိုင် ပစ္စည်းမှန်သမျှ သူ၏မိသားစုပိုင်အဖြစ် စားသုံးစေသူ ဖြစ်သည်။ သူ၏ သားသမီးများသာမက အပေါင်းဖော်များပါ ထင်သလို စားသုံးကြစေပါသည်။ သားသမီးများမှာ ငယ်စဉ်ကပင် “ဒါတို့ပြေ၊ ဒါတို့မြေ၊ ဒါငါတို့မြေ” ဟု နိုင်ငံတခုလုံးကို အပိုင်စားစေဟု စိတ်ဓာတ် သွင်းထားပါသည်။

၁၉၆၂ ခုနှစ်၊ မတ်လ (၂)ရက်နေ့တွင် အာဏာသိမ်းပြီးနောက် (၃)လခန့်အကြာ ဇူလိုင်လ (၇)ရက် လူသတ်ပွဲ အပြီးတွင် “ခေါင်းရှုပ်တယ်” ဟု ဆိုကာ လန်ဒန်သို့ ထွက်သွားပါသည်။ ထိုကာလမှ စတင်ကာ တနှစ်လျှင် (၄)ခေါက်မျှ၊ (၄)လမျှ နိုင်ငံခြားသို့ သွားရောက်အပန်းဖြေလေ့ ရှိပါသည်။ သူပိုင် စစ်စုံထောက်တပ်က ၀န်ကြီးစစ်ဗိုလ် မှန်သမျှကို အမြဲမှန်ဘီလူးနှင့် ကြည့်နေစေပြီး (၇)ရက် တကြိမ် ဆက်သားတဦး လန်ဒန်သို့ စေလွှတ်ကာ သတင်းများကို အစီရင်ခံရသဖြင့် စစ်ဗိုလ်ဝန်ကြီးများသည် သူရှိနေသော အချိန်များထက် အနေအထိုင် အပြောအဆို ဆင်ခြင်ကြလေ့ရှိပါသည်။

“သူလုပ်နေတာတွေကို ခင်ဗျားမကြိုက်ပါဘူး။ သူမရှိတုန်း သိမ်းလိုက်ပါလား” ဟု အိမ်ရှေ့မင်း တပိုင်း စစ်ဗိုလ်ကြီးကို ပြောမိပါသည်။ စကားလုံးနှင့် အဖြေပင်မပေးရဲပါ။ အဓိပ္ပာယ်ရှိရှိ အပြုံးနှင့်သာ ဖြေဝံ့ရှာပါ၏။ ခေါင်းဆောင်ကြီး၏ နိုင်ငံခြားခရီး စားရိတ် မှာလည်း ကြီးမြင့်လှပါသည်။ အခိုင်းအစေ လက်တိုလက်တောင်းများ၊ ဆရာဝန်များ၊ စစ်စုံထောက်များ၊ သားသမီးများ၊ သားသမီး တို့၏ သူငယ်ချင်းများပါ ခေါ်လေ့ရှိပါ၏။ ပြန်လာပါက အစိုးရငွေနှင့် ၀ယ်လာသော နိုင်ငံခြားပစ္စည်းများကို ဒေါ်ခင်မေသန်းက မှောင်ခိုဈေးသို့ ပို့ရောင်းပါသည်။

“တိပ်ရကော်ဒါ အသစ်အဆန်းကလေး ၀ယ်မလား၊ ဒေါ်ခင်မေသန်း ပါလာတာလေ” ဟု ရောင်းသူ ပွဲစားများကို တွေ့ဖူးပါသည်။ ခရီးစားရိတ် ဖြုန်းတီးပုံနှင့် ပတ်သက်၍ ဂျာမဏီပြည်၊ ဘွန်းမြို့ မြန်မာသံရုံးမှ သံမှူးတဦးက ပြောပြပါသည်။

“ဗိုလ်ချုပ်ကြီးနဲ့အဖွဲ့အတွက် အငှားကား မဟုတ်တဲ့ အထူးတက္ကစီလေးစီးကို ဟိုတယ်ရှေ့မှာ (၂၄)နာရီ ရပ်စောင့်ရမယ်ဆိုပြီး ငှားထားတယ်။ သူက ရက်(၂၀) နေတော့ အငှာကား စားရိတ်က ကားသစ် ၀ယ်လျှင် ၃ စီး ၀ယ်နိုင်တယ်။ ကျနော်တို့ သံရုံးမှာ ကားစုတ်ကားပျက် ၁ စင်းပဲ ရှိတယ်။ ကားသစ် ၀ယ်သုံးပြီး သံရုံးထားခဲ့လျှင် ဘယ်လောက်ကောင်းမလဲ၊ မပြောဝံ့ပါဘူးလေ” ဟု ညည်းရှာပါ၏။ဗိုလ်ချုပ်ကြီးသည် နိုင်ငံခြားဟိုတယ်များတွင် တစ်ပေးကောင်းသူ၊ ဘောက်ဆူး ပေးကောင်းသူဟု ကျော်ကြားပါသည်။ ဆေးရုံတက်ကာ ဆေးစစ်ရင်း အနားယူရာတွင် ဆေးရုံကဆင်းသောနေ့တွင် ဆရာဝန်များ၊ သူနာပြုများမှ အမှိုက်လှဲသူများအထိ ၀န်ထမ်း အားလုံးကို ဖက်ကာ လက်ဆောင်ပေးပါသည်။ ငွေဖလားကြီးတခု ထဲတွင် မြန်မာနိုင်ငံမှ သယ်လာသော ကျောက်လက်စွပ်၊ နားကပ် စသော လက်ဝတ် ရတနာ အမျိုးမျိုးကို သူက မကြည့်ဘဲ လက်နှင့်နှိုက်ကာ ဆွဲယူ၍ လက်ဆောင်ပေးပါသည်။ အမေရိကန်ဒေါ်လာ ၁ ထောင်တန် ရသူများ ရှိကြသည်။

နိုင်ငံပိုင်ငွေ မလေမလွင့်ရန် ချွေတာရှာပါသည်။ လန်ဒန်တွင် လနှင့်ချီကာ အနားယူရာတွင် ဟိုတယ်စားရိတ်က ကြီးမားသည်။ လိုသမျှကို ရန်ကုန်ဘဏ်ဏ္ဍာရေးဝန်ကြီးထံ တောင်းရသည်။ တချီတွင် မြန်မာအစိုးရတွင် လက်ကျန် နိုင်ငံခြားသုံးငွေမရှိသဖြင့် ဗြိတိသျှလေကြောင်း ကုမ္ပဏီမှ ငွေချေးရဖူးသည်။ ထိုကြောင့် နိုင်ငံတော်အဖို့ စားရိတ်သက်သာစေရန် လန်ဒန်တွင် အိမ်ကောင်း အိမ်သန့် ၁ လုံးဝယ်ကာ နေထိုင်ပါသည်။ ဒီမိုကရေစီအစိုးရခေတ်က သံရုံးမြေနှင့် အဆောက်အအုံကို အစိုးရအနေနှင့် ၀ယ်ခဲ့သကဲ့သို့ မ၀ယ်ဘဲ သူ၏မိတ်ဆွေ ဘီအိုစီ မန်နေဂျာဟောင်း အင်္ဂလိပ်တဦး၏ အမည်နှင့် ၀ယ်ခဲ့ပါသည်။ကံမကောင်း အကြောင်းမလှသဖြင့် သူ၏ မိတ်ဆွေခမျာ သေဆုံးရှာလေရာ ဇနီးဖြစ်သူက ခင်ပွန်းသည်ပိုင်ဆိုင်ပစ္စည်း အဖြစ် သိမ်းယူသောအခါ ဗိုလ်ချုပ်ကြီးမှာ ဘုံပျောက်သွားရှာပါသည်။ မြန်မာနိုင်ငံတွင်းတွင် မည်သည့်အမှုကိုမဆို အနိုင်ယူနိုင်သော်လည်း အင်္ဂလန်တွင် အင်္ဂလိပ်ဥပဒေ ဖြစ်နေသည်။ အိမ်ကို မူလက မိမိနာမည်နှင့် မ၀ယ်ဘဲ ခိုးကြောင်ခိုးဝှက် ၀ယ်ခဲ့သဖြင့် ဥပဒေအရ ပိုင်ဆိုင်သူ၏ ဇနီးမယားသာ ဆက်ခံပိုင်ဆိုင်ခွင့် ရှိလေရာ ဗိုလ်ချုပ်ကြီးမှာ မည်သို့မှ မတတ်နိုင်ဘဲ သူခိုးလက်မှ သူဝှက်က လုသည်ကို မခံချိမခံသာ ခံရရှာပါသည်။

စိတ် မကျေနိုင်သဖြင့် နောက်ထပ်အိမ် ၁ လုံး ၀ယ်ပြန်ပါသေးသည်။ တခါသေဖူး ပျဉ်ဖိုး နားလည်ပြီဖြစ်သဖြင့် နောက်ဝယ်သောအိမ်မှာ လက်ထဲတွင် မြဲခဲ့ပါသည်။ ဤတချီတွင် မည်သူ့ကိုမှ အညံ့မခံပါ။ တပ်မတော်သား (၆)ဦးကို မြန်မာနိုင်ငံက ခေါ်ယူကာ အိမ်စောင့်တာဝန် ချထားပါသည်။ နှစ်စဉ် တနှစ်တကြိမ် တပ်မတော်သား (၆)ဦးကို လန်ဒန်သို့ လူလဲနှင့် စေလွှတ်ကာ အိမ်တော်စောင့်ရန် ပို့ပေးရပါသည်။ဒုတိယ အစီအစဉ်အရ ဗိုလ်ချုပ်ကြီး၏ ဘိလပ် အိမ်တော် စောင့်ရှောက်ရေးအတွက် တပ်မတော်သားများကို ဘိလပ်သို့ အလှည့်ကျ ပို့ရပြန်သဖြင့် ဆင်ဖိုးထက် ချွန်းဖိုးက ကြီးရပြန်ပါသည်။ ဗိုလ်ချုပ်ကြီးနေ၀င်း၏ နန်းသက် (၂၄)နှစ် မပြည့်မီ နိုင်ငံတော် လူမွဲနိုင်ငံ ဖြစ်ရလေသည်မှာ မဆန်းပါပေ …။

ကြေးမုံဦးသောင်း

admin